جار ئەم لاپەڕە بینراوە

الأحد، 11 مايو 2008

وێنه‌یه‌کی له‌ ئه‌نفال به‌جێماو/ پشکۆ نه‌جمه‌دین- سوید


((رۆژگارێک بوو، خورجێک ئێسک و که‌له‌‌‌سه‌رم، شار به‌ شار و شه‌قام شه‌قام، بۆ هێڵه‌کێک ئارد ده‌گێڕا، ئارد قوورستر بوو... نان ده‌ست نه‌که‌وت، هه‌تا هه‌مووشتم دۆڕاند!))

ئه‌مه‌ زووخاوی ژنێکی ره‌نگئه‌نفال بوو، له‌سه‌ر په‌ڕۆیه‌ک ده‌ینووسی، به‌ ئاڵای کوردستان ده‌چوو!
* * *
باڵاخانه‌ی خه‌ونه‌کان، ڕیشه‌ی له‌ شه‌هید ئاڵاوه‌،سه‌ری له‌ مێزه‌ری ته‌م وخانه‌خانه‌ی سیخناخی خه‌م!
بگه‌ڕێوه‌!له‌ چۆڵستانی رۆحمدا: چرپه‌یه‌ک،له‌ خه‌راباتی جه‌سته‌مدا:شوعله‌یه‌ک،له‌ به‌ربادبوونی گه‌نجییمدا:خه‌نده‌یه‌ک دابگیرسێنه‌!
بگه‌ڕێوه‌!له‌ ده‌لاقه‌ی زامانته‌وه‌ ئایه‌ته‌کانی شه‌هاده‌ت،بڕژێنه‌ بن ئه‌و دارانه‌ی تیرخوێن بوون و به‌ریان نه‌دا!
بگه‌ڕێوه‌! ئێواره‌یه‌ک، به‌ گوڵی دارئه‌رخه‌وانێک فرمێسکه‌کانم بسڕه‌وه‌...له‌ ته‌رازووی سه‌رکه‌وتندا، تێڕێک ئێسک له‌ هێڵه‌کێک ئارد سووکتره‌!
http://www.klawrojna.com/content/view/12962/182

ليست هناك تعليقات: